चलचित्र ‘वर एन्ड वधु’मा साम्राज्ञी अनुबन्धित

काठमाडौं – चलचित्र ‘वर एन्ड वधु’मा अभिनेत्री साम्राज्ञी राज्यलक्ष्मी शाह अनुबन्धित भएकी छिन् । मिलन चाम्सले निर्देशन गर्ने ‘वर एन्ड वधु’को शीर्ष भूमिकाका लागि साम्राज्ञी अनुबन्धित भएकी हुन् ।

आँचल शर्मा र विवेक कर्माचार्य यो चलचित्रमा यसअघि नै अनुबन्धित भइसकेका छन् । साम्राज्ञीसँगै यो चलचित्रमा आँचल र विवेक शीर्ष भूमिकामा देखिनेछन् । कमेडी र रोमान्स मिश्रित यो चलचित्र जेठबाट छायाङ्कनमा जानेछ ।

‘वर एन्ड वधु’मा पुराना कलाकार किरण केसी र विजय लामा पनि अनुबन्धित भइसकेका छन् । चलचित्र एलआरके इन्टरटेनमेन्टको ब्यानरमा निर्माण हुन लागेको हो ।