काठमाडौं – नयाँ वर्ष देखी प्रदर्शनमा आएको सफल चलचित्र सिरिज ए मेरो हजुरको चौथो संस्करण ए मेरो हजुर ४ ले प्रदर्शनको पहिलो दिनमा ८८ लाखको व्यापार गरेको छ ।
बहुप्रतिक्षित दक्षिण भारतीय सिनेमा केजीएफ २ सँग प्रतिस्पर्धा रहेको यस चलचित्र भारतीय सिनेमाको पेलाईमा पर्ने आकलन गरिएता पनि पहिलो दिनमा भने यस चलचित्रले सन्तोषजनक कलेक्सन गरेको छ । ए मेरो हजुर ४ ले उपत्यकामा हिजो मात्र ४६ लाखको कमाई गरेको र उपत्यका बाहिर ४२१ लाखको व्यापार गरेको चलचित्रका वितरक गोविन्द शाहीले बताएका छन् ।
शाहीका अनुसार आइतबार देखी चलचित्रको सो हरू पनि बढाउने तयारी रहेको छ । ‘दर्शकहरूको प्रतिक्रिया राम्रो छ आइतबार देखी हलवालाहरूले सो पनि बढाउने कुरा गरिरहेका छन् , केएल टावरले त आज देखी नै एउटा सो बढाएको छ’, शाहीले भने । झरना थापा निर्देशित उक्त चलचित्रमा अनमोल केसी , सुहाना थापा, सलोन बस्नेत, सरोज खनाल लगायतका कलाकारहरूको अभिनय रहेको छ ।
