जापानबाट करिब साढे १० अर्ब ऋण लिँदै सरकार

काठमाडौँ – सरकारले जापानबाट १० अर्ब ३९ करोड रुपैयाँ बराबरको ऋण सहयोग लिने निर्णय गरेको छ। यसका लागि बुधबार बसेको मन्त्रीपरिषदको बैठकले स्वीकृति दिइसकेको छ।

उत्पादन तथा आर्थिक वृद्धिको लागि प्राप्त हुने १० बिलियन अर्थात् करिब १० अर्ब ३९ करोड नीतिगत ऋण सहायता स्वीकार गर्ने मन्त्रिपरिषद्को बैठकले निर्णय गरेको हो।

मन्त्रिपरिषद् बैठकको निर्णय सुनाउँदै सरकारका प्रवक्ता एवम् सूचना तथा सञ्चार प्रविधिमन्त्री ज्ञानेन्द्र बहादुर कार्कीले हिजोको मन्त्रिपरिषद् बैठकले उक्त निर्णय गरेको जानकारी दिए।