हङकङ जान राष्ट्रिय जनस्वास्थ्य प्रयोगशालाबाहेकको रिपोर्ट अमान्य

काठमाडौं – अब हङकङ जान चाहनेका लागि निजी स्वास्थ्य संस्थामा गराएको कोरोना परीक्षण अमान्य हुने भएको छ । नेपाल एयरलाइन्सले हङकङ जाने यात्रुका लागि राष्ट्रिय जनस्वास्थ्य प्रयोगशाला टेकु रिपोर्ट अनिवार्य गरेको हो ।

एयरलाइन्स कार्यलयले उडान गर्दा परीक्षण विश्वसनीय होस् भन्ने उद्देश्यले परीक्षणमा कडाइ गरिएको जनाएको छ । शनिबार एक सूचना जारी गर्दै हङकङ जाने यात्रुका लागि कोरोनाको पिसिआर परीक्षण राष्ट्रिय जनस्वास्थ्य प्रयोगशाला टेकुको हुनुपर्ने जनाएको हो ।

यसअघि हङकङ गएका यात्रुमा कोरोना पोजिटिभ देखिएपछि त्यहाँ नेपाल एयरलाइन्सलाई ४ पटकसम्म प्रतिबन्ध लगाइएको थियो । सोही कारण कारोना रिर्पोटमा कडाइ गरिएको एयरलाइन्सले जनाएको छ ।