पछिल्लो २४ घण्टाः ७४३ संक्रमित थपिए, ९५२ निको भए

काठमाडौं – पछिल्लो २४ घण्टामा नेपालमा ६ हजार ५५९ नमूनाको पीसीआर परीक्षण गरिएको छ । जसमा ७४३ जनामा कोरोना संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार हालसम्म मुलुकमा कोरोना संक्रमित हुनेको संख्या २ लाख ५५ हजार ९७९ पुगेको छ । यस्तै, अहिलेसम्म १८ लाख ९० हजार ७४० नमूनाको पीसीआर परीक्षण गरिएको मन्त्रालयले जनाएको छ ।

हाल मुलुकमा कोरोनाका सक्रिय संक्रमितको संख्या भने ७ हजार ५१५ रहेको छ । यस्तै, सोही अवधिमा ९५२ जना संक्रमित निको भएका छन् । जम्मा संक्रमितमध्ये हालसम्म कोरोना संक्रमण निको हुनेको संख्या २ लाख ४६ हजार ६६१ पुगेको मन्त्रालयले जनाएको छ । हाल क्वारेन्टिनमा ४०९ जना रहेका छन् ।