नेपालमा कोरोनाः १६ जनाले ज्यान गुमाए, ७८२ संक्रमित थपिए

काठमाडौं – कोरोनाबाट नेपालमा पछिल्लो २४ घण्टायता थप १६ जनाको मृत्यु भएको छ । यससँगै हालसम्म मुलुकमा कोरोना संक्रमणका कारण मृत्यु हुनेको संख्या १७६५ पुगेको हो ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा ५ हजार ७०६ नमूनाको पीसीआर परीक्षण गरिएकोमा ७८२ जनामा कोरोना संक्रमण पुष्टि भएको छ । यससँगै हालसम्म मुलुकमा कोरोना संक्रमित हुनेको संख्या २ लाख ५२ हजार ४७४ पुगेको छ ।

मन्त्रालयका अनुसार हाल मुलुकमा कोरोनाका सक्रिय संक्रमितको संख्या भने ९ हजार ३१७ रहेको छ । यस्तै, सोही अवधिमा १०२९ जना संक्रमित निको भएका छन् । जम्मा संक्रमितमध्ये हालसम्म कोरोना संक्रमण निको हुनेको संख्या २ लाख ४१ हजार ३९२ पुगेको मन्त्रालयले जनाएको छ ।