विश्वभर कोरोनाले मृत्यु हुनेको संख्या १६ लाख नाघ्यो, सक्रिय संक्रमितको संख्यासमेत बढ्यो

काठमाडौं – वर्ल्डो मिटरको आँकडा अनुसार पछिल्लो २४ घण्टामा १२ हजार १७० संक्रमितको मृत्यु भएसँगै विश्वभर कोरोना भाइरसले १६ लाख २३६ संक्रमितको ज्यान गएको हो ।

यसैगरी बितेको २४ घण्टामा थप ६ लाख ८६ हजार जनामा संक्रमण पुष्टी भएको छ । यससँगै हाल सक्रिय संक्रमितको संख्या २ करोड नाघेको छ ।

यसअघि एक करोडबढी सक्रिय संक्रमित रहेकोमा आज सो संख्यामा समेत बृद्धि भएको छ । हाल विश्वभर २ करोड २ लाख १४ हजार ७७८ सक्रिय संक्रमित रहेका छन् भने १ लाख ६ हजारबढीको अवस्था गम्भिर रहेको वर्ल्डो मिटरले जनाएको छ ।

त्यस्तै, गत २४ घण्टामा विश्वभर थप ४ लाख ४८ हजार संक्रमित निको भएका छन् । यससँगै कारोना भाइरस निको हुनेको कूल संख्या ४ करोड ९५ लाख ८८ हजार नाघेको छ ।

हाल विश्वभर कूल संक्रमितको संख्या ७ करोड १४ लाखबढी व्यक्तिहरुमा कोरोना भाइरस पुष्टी भएको छ ।