काठमाडौं – एसीसी इस्टर्न रीजन टी-ट्वान्टी क्रिकेटमा नेपालले पहिलो जित निकालेको छ । बुधबार भएको खेलमा नेपालले थाइल्याण्डमाथि ९ विकेटको जित निकालेकाे हो ।
यसअघि पहिलो खेलमा मलेसियासँग पराजित भएको नेपाल साेमबार भएको खेलमा हङकङसँग पराजित भएको थियो । पहिले व्याटिङको रोजेको थाइल्याण्डले नेपाल सामू जितका लागि ६७ रनको विजयी लक्ष्य दिएको थियो । साे लक्ष्य नेपालले ५ ओभर २ बलमा १ विकेट गुमाएर भेट्टायो ।
नेपाललाई विजयी गराउने क्रममा ओपनर कुशल मल्ल नटआउट ३६ रन बनाए भने पवन शर्राफले अविजित रहँदै २७ रन बनाए । नेपालका लागि पारस खड्काले ९ रनको याेगदान दिएका थिए । थाइल्याण्डले निर्धारित २० ओभरमा सबै विकेट गुमाएर ६६ रन बनाएको थियो ।
थाइल्याण्डलाई सस्तैमा समेट्ने क्रममा करण केसीले ३ विकेट लिए भने अविनास बोहोराले २ विकेट लिए । त्यस्तै सन्दीप लामिछाने र भुवन कार्कीले समान १/१ विकेट हात पारे ।
टी-ट्वान्टी अन्तर्राष्ट्रियमा नेपालको यो कीर्तिमानी जित हो । कम बलमा विपक्षीले दिएको लक्ष्य पुरा गर्दै नेपालले कीर्तिमानी जित निकालेको हो ।
