दक्षिण अफ्रीकाविरुद्ध रोहितको अर्को शतक

काठमाडौं – भारतले दक्षिण अफ्रीकाविरुद्धको तेस्रो टेस्टको पहिलो दिन शानदार शुरुवात गरेको छ । पहिलो दिन ओपनर रोहित शर्माको शतकको मद्धतले भारतले २२४ रन बनाएको छ । खराब लाइटका कारण पहिलो दिनको खेल रोकिदा भारतले ३ विकेट गुमाएर २२४ रन बनाएको हो ।

भारतका लागि रोहित शर्मा ११७ रन बनाएर खेलिरहेका छन् भने आजिख्य रहाने ८३ रन बनाएर खेलिरहेका छन् । शुरुका चीन विकेट छिट्टै गुमाएको भारतले चौथो विकेटका लागि रोहित र आजिख्यले १८५ रनको साझेदारी गरेका छन् । यसअघि कप्तान विराट कोहली १२ रन, चैतेश्वर पुजारा शुन्य र मयंक अग्रवाल १० रन बनाएर आउट भएका थिए ।

दक्षिण अफ्रिकाका बलर कागीसो रबाड़ाले २ विकेट लिए भने एन्रीच नोरत्जेले एक विकेट लिए । तीन खेलको टेस्ट सिरिजमा भारत २-० ले अगाडी रहेको छ ।