पारसको नाममा सन्दीप लामिछानेले लेखे भावुक सन्देश

काठमाडाैं – मंगलबार सामाजिक संजालमार्फत एक विज्ञप्ति जारी गर्दै पारस खड्काले नेपाली क्रिकेट टोलीको कप्तानी छाडेपछि त्यसको चर्चा-परिचर्चा सुरु भएको छ । यसै सन्दर्भमा क्रिकेटर सन्दिप लामिछानेले पारसलाई सम्बोधन गर्दै सामाजिक संजाल फेसबुकमा एक स्टाटस राखेका छन् ।

उनी लेख्छन, ‘तपाईको नेतृत्व अन्तर्गत यात्रा सुरु गर्दै हामी त्यस्ता स्थानहरूमा पुगेका छौं जुन नेपाल क्रिकेट पहिले-पहिले कहिल्यै पुग्न सकेको थिएन । तपाईंले विगतका वर्षहरूमा मलाई र धेरै युवाहरूलाई प्रेरित गर्नुभयो र हामीलाई यो सुन्दर खेललाई प्रेम गर्न सबै कारणहरू दिनुभयो ।’

सन्दीपले आफूले अझ धेरै वर्ष पारसले नेपाली क्रिकेटमा प्रतिनिधित्व गरेको हेर्न चाहेको बताएका छन् । उनले भनेका छन्, ‘जसले हाम्रो सबै हृदयमा ठूलो छाप पारेको छ । त्यसको कप्तान तपाईं हुनुहुन्छ, द लिजेन्ड पारस खड्का ।’

https://www.facebook.com/SandeepLamichhaneOfficial/photos/a.1022850211093825/2556096491102515/?type=3&theater