काठमाडाैं – हङकङमा हङकङ–नेपाल स्नुकर च्याम्पियनसिपको चौथौं संस्करण आयोजना हुने भएको छ । शुक्रवार जोर्डनस्थित केसि सिटि स्नुकर सेन्टरमा आयोजित कार्यक्रम मार्फत आयोजक स्पोर्ट्स क्लबले प्रतियोगिता आयोजना हुनेबारे जानकारी दिएको हो ।
आयोजकका अनुसार हङकङ–नेपाल स्नुकर च्याम्पियनसिप २०१९ आगामी २२ सेप्टेम्बर आईतबारका दिन सिटि स्नुकर सेन्टरमा हुनेछ । ईच्छुक खेलाडीहरुको लागि प्रवेश शुल्क हङकङ डलर ३०० राखिएको छ भने अन्तिम दर्ता मिति २० सेप्टेम्बर तोकिएको छ ।
डिभिजन ए, बी र सी गरी तीन समूहमा खेलाईने उक्त प्रतियोगिताको बिजेता तथा उपबिजेताले क्रमशः हङकङ डलर १०,००० र ५,००० प्राप्त गर्नेछन् भने हाईएस्ट ब्रेक गर्नेले १,००० डलर पुरस्कार हात पार्नेछ ।
