काठमाडौं – माइक्रोसफ्ट कम्पनीले आफ्नो उत्पादन विन्डोज सेभेनमा गर्दै आएको प्राविधिक सहयोग अब चाँडै बन्द गर्ने भएको छ । कम्पनीले १४ जनवरी २०२० सम्ममा विन्डोज सेभेनलाई गर्दै आएको सम्पूर्ण प्राविधिक सहयोग बन्द गर्ने घोषणा गरेको हो ।
माइक्रोसफ्ट अफिसका धेरैजसो प्रयोगकर्ताहरुले विन्डोज सेभेनलाई अत्यधिक रुपमा रुचाइ रहेको अवस्थामा कम्पनीको यस्तो घोषणाले दुखित बनाएको छ । कम्पनीले भने विन्डोज टेनमा उपभोक्ताहरुलाई अपडेट गर्न आग्रह गर्दै यसअघि सूचना प्रकाशित गरिसकेको छ । माइक्रोसफ्ट वेबसाइटका अनुसार विन्डोज सेभेनका प्रयोगकर्तालाई आफ्नो पुरानो सिस्टममा विन्डोज सेभेन चलाउन सक्ने जानकारी दिइएको छ ।
कम्पनीले विन्डोज दश अपडेट गरेपछि आफ्नो प्रयोगकर्तालाई नयाँ पिसी खरिद गर्न सुझाव दिएको छ । कम्पनीले निर्धारित समय सकिएपछि पनि विन्डोज सेभेन चलाउन भने मिल्ने जनाएको छ । त्यसमा प्राविधिक अपडेट भने हुने छैन । जसका कारण सफ्टवेयर तथा सुरक्षा अपडेट नहुँदा भाइरस तथा मालवेयरको खतरा रहने छ । सुरक्षित रहनका लागि विन्डोज टेन प्रयोग गर्न उपयुक्त हुनेछ ।यसको सबै फिचरको रमाइलो लिन नयाँ कम्प्युटर लिनुपर्ने कम्पनीले जनाएको छ । यद्यपि, तपाईंले पुरानो कम्प्युटरमा पनि विन्डोज टेन प्रयोग गर्न सक्नुहुनेछ । तर यसको सबै फिचरको अनुभव लिन चाहानु हुन्छ भने नयाँ कम्प्युटर आवश्यक हुने कम्पनीको भनाई छ । ***
