काठमाडौं – चलचित्र ‘चङ्गा’को पहिलो गीत सार्वजनिक भएको छ । जेठ २५ गते प्रदर्शन मिति तय भएको चलचित्रको प्रचारप्रसारको सुरुवात भन्दै निर्माण टिमले पहिलो गीत सार्वजनिक गरेको हो ।
निर्माण टिमले पहिलो गीत स्वरूप लोकलयमा रहेको ‘कम्पनी माला’ दर्शकमाझ ल्याएको हो । सार्वजनिक गीतमा राजेन्द्र थापाको शब्द, राजराज सिवाकोटीको सङ्गीत रहेको छ भने स्वरमा राजनराजको साथमा अञ्जु पन्तको रहेको छ । गीतको भिडियोमा चलचित्रका प्राय सबै कलाकारहरू फिचर छन् । भिडियोलाई कविराज गहतराजले लोभलाग्दो कोरियोग्राफी गरेका छन् ।
‘डिट्ठासाब’ पात्रबाट परिचित कलाकार किशोर भण्डारीको पहिलो निर्देशनमा तयार भएको चलचित्र ‘चङ्गा’मा बुद्धि तामाङ, कमलमणी नेपाल, अंकित खड्का, लक्ष्मी बर्देवा, रेश्मा तिमिल्सिना, प्रेमबर्षा शाह, जीवन भट्टराई, राजन खतिवडा र लक्की भण्डारी लगायतका कलाकारको अभिनय रहेको छ । पूर्णतः कमेडी फ्लेभर रहेको बताउने निर्देशक भण्डारीका अनुसार सार्वजनिक गीत चलचित्रको कथा र परिवेश अनुसारको रहेको बताए । निर्देशक भण्डारीको कथा रहेको चलचित्रलाई रेश्मा तिमिल्सिना उर्फ बुनुमैचाले निर्माण गरेकी हुन् ।
