काठमाडौं – भावना म्युजिक प्रा.लीले पछिल्लो समय एकपछि अर्को सफल गीत बजारमा ल्याइरहेको छ । मोडल तथा गीतकार बिमल अधिकारीको कम्पनीबाट बजारमा आएका सबै जसो गीतहरु दर्शक स्रोताले मन पराएका छन् ।
थुप्रै चर्चित गीतहरु भएपनि मर्ने मिती बोलको गीतले लोकदोहोरीको क्षेत्रमा छुटै स्थान बनाएको छ । अहिले पनि धेरै हेरिने र सुनिने गीत मध्ये पर्छ । अलि फरक फरक तरिकाकाका गीत बजारमा ल्याउने क्रममा भावना म्युजिक प्रा.लीले सुन सबैले सुन बोलको गीत हिजो मात्र बजारमा ल्याएको छ ।
बिष्णु माझी र मोहन खड्काको आवाज सजिएको गीतको संगित भने ऋषि खड्काको रहेको छ । गीतमा शब्द भने बिमल अधिकारीको नै रहेको छ । पछिल्लो समयका व्यस्त निर्देशक कपिल लामाले निर्देशन गरेको गीतमो बिमल अधिकारी र सायाँ भण्डारीको उत्कृष्ठ अभिनय देख्न सकिन्छ ।
फिल्मी शैलिमा तयार पारेको म्युजिक भिडियो युटुवमा सार्वजनिक भएको २४ घण्टा नबित्दै ट्रेडिङ नम्बर ३२ मा पुगेको छ । यो समाचार तयार पार्दा सम्म करिब ७० हजारले हेरिसकेका छन् ।
