संगीतकार बास्कोटालाई ईमेज लाइफटाइम अचिभमेन्ट अवार्ड

काठमाडौँ – वरिष्ठ संगीतकार शम्भुजित बास्कोटालाई ईमेज लाइफटाइम अचिभमेन्ट अवार्डबाट सम्मान गरिने भएको छ । 

प्रत्येक वर्ष प्रदान गरिँदै आएको यस वर्षको ईमेज लाइफटाइम अचिभमेन्ट अवार्ड वरिष्ठ संगीतकार बास्कोटालाई प्रदान गरिने भएको हो । नेपाली गीत संगीतका क्षेत्रमा बास्कोटाले पुर्‍याउनुभएको योगदानको कदर गर्दै अवार्ड प्रदान गर्न लागिएको हो ।

अवार्डका साथ उहाँलाई १ लाख रुपैयाँ प्रदान गरिने ईमेज च्यानलले जनाएको छ । बास्कोटा नेपाली चलचित्र जगतका सर्वाधिक लोकप्रिय संगीत निर्देशक हुनुहुन्छ । उहाँले नेपाली चलचित्रमा २ हजार भन्दा बढी गीतमा संगीत निर्देशन गरेका छन् ।

१८ औँ ईमेज अवार्ड आगामी असोज ८ गते हुने छ ।