दोलखामा दुई पटक भूकम्पको धक्का

दोलखा – दोलखा केन्द्रविन्दु भएर आज बिहान दुई वटा परकम्प गएको छ ।

आज बिहान ६ बजेर २२ मिनेटमा ४ दशमलव १ तथा ७ बजेर ४९ मिनेटमा ४ दशमलव ५ रेक्टर स्केलको परकम्प गएको राष्ट्रिय भूकम्प मापन केन्द्र लैनचौरले जनाएको छ । केन्द्रका अनुसार यी २ भूकम्प पनि गत वर्षको भूकम्पकै परकम्प हुन् ।

गत वैशाख १२ गते गएको विनाशकारी भूकम्पपछि हालसम्म त्यसका परकम्प जाने क्रम रोकिएको छैन । यद्यपि, सुरुका दिनमा सयौँ परकम्प जाने गरेपनि अहिले त्यो क्रम भने घट्दै गएको छ ।