जाजरकोट – जाजरकोटको एक पेट्रोल डिलरमा आगलागी हुँदा एक जनाको ज्यान गएको छ । 
आगलागीमा ४ जना घाइते भएका छन् । जाजरकोटको भेरीमालिका नगरपालिका–४ मा रहेको पेट्रोल डिलरमा आगलागी हुदाँ तीज मनाउन माइत आएकी नायकबाडा– २ कि १८ वर्षे संगिता खत्री बोहराको ज्यान गएको हो । पेट्रोल डिलर नजिकैको अर्को कोठामा माइतीले होटल सञ्चालन गरेका थिए । डिलरमा लागेको आगो सल्किएर होटलमा पनि आगो लागेपछि उनको ज्यान गएको हो ।
आगोमा परेर उहाँका बुबा कार्की गाउँका–७ का मानसिंह खत्री घाइते हुनुभएको छ । मानसिंहले भरी मालीका नगरपालिका–४ मा पेट्रोल डिलरसँगै जोडिएको अर्को कोठा भाडा लिएर होटल सञ्चालन गर्दै आउनुभएको थिए । त्यस्तै अन्य घाइतेमा डिलर सञ्चालन गर्ने भरीमालिका नगरपालिका–४ का २३ वर्षे प्रेमबहादुर राणा, त्यही ठाउँका १८ वर्षे गोकर्ण चन्द र जाजरकोटमा कार्यरत प्रहरी जवान रमेश शाह रहेको प्रहरीले जनाएको छ ।
घाइते चारै जनाको उपचारका लागि नेपालगञ्ज पठाइएको छ । ड्रममा तेल खन्याउदै गर्दा ड्रम भरिएर तेल अगेनामा पुगेपछि आगो लागेको हो । १२ वटा तेलका ड्रममा ४ वटा जलेका छन् ।
