विकासका लागि देशहरुबीच एकआपसमा सञ्जाल विस्तार हुनुपर्छ : कोइराला

काठमाडौँ – नेपाली काँग्रेसकी नेत्री सुजाता कोइरालाले एसियाका राजनीति दल एकआपसमा मिलेर अगाडि बढेमात्र सोचेको जस्तो लक्ष्य हाँसिल हुने बताउनुभएको छ । 

एसियाली राजनीति दल (आइक्याप) को नवौँ साधारणसभाका क्रममा मलेसियाको क्वालालम्पुरमा सम्बोधन गर्दै नेत्री कोइरालाले सबै समुदायको साझा र गन्तव्य बनाउनु अहिलेको आवश्यकता रहेको बताउनुभयो ।

आइक्याप स्टाण्डिङ कमिटिको सदस्य समेत रहनुभएकी कोइरालाले विकासका लागि देशहरुबीच एकआपसमा सञ्जाल विस्तार हुनुपर्ने धारणा राख्नुभएको थियो । उहाँले आइक्यापले शान्ति, न्याय र समृद्धिका लागि काम गर्न सक्ने भन्दै अति जटिल र चिसिँदो अन्तर्राष्ट्रिय सम्बन्धले ती विषयमा प्रभाव परिरहेको समेत उल्लेख गर्नुभयो ।