परराष्ट्रमन्त्रीको प्रेस संयोजकमा पाठक

काठमाडौँ – परराष्ट्रमन्त्री डा प्रकाशशरण महतको जन सम्पर्क तथा प्रेस संयोजक पत्रकार एकराज पाठक नियुक्त हुनुभएको छ ।

राससको कार्यकारी सम्पादकमा कार्यरत पाठकले त्रिभुवन विश्वविद्यालय र पूर्वाञ्चल विश्वविद्यालयमा आमसञ्चार तथा पत्रकारिता विषयमा प्राध्यापन गर्नुहुन्छ । उहाँका नेपाली पत्रकारिता र सूचनाको हकसम्बन्धी पुस्तक प्रकाशित छन् ।

पाठकसँग पूर्वाञ्चल विश्वविद्यालय र उच्च माध्यमिक शिक्षा परिषद्मा आमसञ्चार तथा पत्रकारिता विषयमा विषय समितिको सदस्यका रूपमा काम गरेको अनुभव छ ।

बागलुङ जिल्लाको अमलाचौरमा विष २०३१ फागुनमा जन्मिनुभएका पाठक २० वर्षदेखि नेपाली पत्रकारितामा सक्रिय हुनुहुन्छ ।