काठमाडौँ – जेष्ठ नागरिकहरूको समस्या समाधान र जेष्ठ नागरिक मैत्री समाज निर्माणका लागि २०६९ सालमा स्थापना भएको जोरपाटी जेष्ठ नागरिक समाजले दोस्रो साधरण सभा सम्पन्न गरेको छ ।
साधरण सभाका क्रममा संस्थाले नियमित वार्षिक कार्यक्रम अन्र्तगत १५ जना जेष्ठ नागरिकलाई सम्मान पनि गरेको छ । युवाहरूलाई नैतिकवान बनाउन आफ्ना आमा बाबुको सेवा स्यहाहार गर्ने ५ जना छोरा बुहारीलाई समेत सम्मान गरेको छ । यसले जेष्ठ नागरिकमा उत्साहजनक स्थिति सिर्जना गर्ने र समाजका अन्य नागरिकमा जेष्ठ नागरिक सम्मान गर्ने परिपाटीको विकास गर्न प्रेरणा दिने संस्थाले विश्वास गरेको छ ।
कार्यक्रममा प्रमुख अतिथिका रूपमा उपस्थित काठमाडौँ ३ का सांसद रामेश्वर फुयालले जेष्ठ नागरिक आफ्नो उमेरमा देश र समाजका लागी महत्त्वपूर्ण योगदान पुर्याएकाले उनीहरूलाई उचित देखदेख र सम्मानका लागी सबै पक्षले जिम्मेवारपूर्ण भूमिका खेल्नु पर्ने बताउनुभयो ।
संस्थाका अध्यक्ष शिवप्रसाद पौडेलले संस्थाका वार्षिक गतिविधि सहितको प्रतिवेदन प्रस्तुत गर्दै संस्थाका योजनामा साथ दिन सबै पक्षको आग्रह गर्नुभयो ।
