फुटको संघारमा गच्छदारको पार्टी

काठमाडौँ – मधेसी जनअधिकार फोरम (लोकतान्त्रिक) का असन्तुष्ट पक्ष आइतबारसम्म नयाँ पार्टी गठनको तयारीमा लागेका छन् । त्यसका लागि असनतुष्ट पक्षका नेताले छलफललाई तीव्रता दिएका छन् ।

संसदीय दलका बहुमत सदस्यको सहमति जुटाइसकेपछि उनीहरू नयाँ पार्टी निर्माण गर्न केन्द्रीय समितका प्रमुख नेताहरुसँगको छलफलमा लागेका छन् । पार्टीको विधाननिर्माण, नेताहरूको पोर्टफोलियो, निर्धारण तथा पार्टीको नामका विषयमा छलफल भइरहेको स्रोतले जनाएको आजको कारोबार दैनिकमा खबर छ । स्रोतका अनुसार आइतबारसम्म नयाँ पार्टी गठनको तयारी छ ।

त्यसकोे तयारी गर्न गोप्य छलफलमा नेताहरू जुटेका छन् । पार्टी अध्यक्ष विजयकुमार गच्छदारले पार्टीका नेताहरूलाई बेवास्ता गरी सरकारमा नजाने निर्णय गरेपछि असन्तुष्टपक्षका सांसदले पार्टी फुटाएर भए पनि सरकारमा जानुपर्ने निष्कर्ष निकालेका थिए ।