काभ्रे – काभ्रेको बिर्तादेउरालीमा यात्रुबहाक बस दुर्घटनामा कम्तीमा ३० जनाको मृत्यु भएको छ । घटनास्थल पुगेको प्रहरीले ३० ओटा शव संकलन गरिसकिएको र अरुको खोजी भइरहेको प्रहरीले जनाएको छ । 
काठमाडौंबाट काभ्रेको कोसीपारी जाँदै गरेको बा ३ ख १०६ नम्बरको बस बिर्तादेउराली–७ खहरेखोलानजिकैको डाँडाबाट खसेर दुर्घटना भएका हो । दुर्घटनामा ३५ बढी घाइते भएको अनुमान गरिएको छ ।
कच्ची बाटोका कारण घाइतेहरुलाई अस्पताल ल्याउन कठिनाइ भइरहेकाले हेलिकोप्टर मगाइएको छ । घटनास्थलमा पानी परिरहेकाले उद्धारमा कठिनाइ भएको छ ।
कच्चीबाटोमा गाडी ‘ओभर लोड’ भएकै कारण दुर्घटना भएको हुनसक्ने प्रहरीले अनुमान गरेको छ ।
फोटो सौजन्यः माधवप्रसाद तिवारी
