काठमाडौं – चिकित्सा शिक्षालाई व्यवस्थित गर्न माग गर्दै प्राध्यापक डा. गोविन्द केसी आइतबारदेखि शिक्षा अस्पताल परिसरमै अनसन बस्दै हुनुहुन्छ ।बेथिति रोक्न आफूले दिएको अल्टिमेटमको अन्तिम दिन शनिबारसम्म सरकारले कुने जवाफ नदिएको भन्दै उहाँले अनसन बस्ने बताउनुभएको हो ।
डा. केसीले सबै प्रदेशमा कम्तीमा एउटा सरकारी मेडिकल कलेज र्पुयाउने, काठमाडौं उपत्यकामा आउँदा १० वर्षसम्म मेडिकल, डेन्टल र नर्सिङमा नयाँ सम्बन्धन नदिने र मनशायपत्र पाएकाको नवीकरण नगर्ने, आगामी शैक्षिकसत्रदेखि केन्द्रीय परीक्षा लिने व्यवस्था गर्ने र त्यसका लागि अहिले परीक्षा लिइरहेकासँग सहकार्य गर्ने, अधिकतम शुल्क र सिट यो वर्ष नेपाल मेडिकल काउन्सिलले शिक्षा मन्त्रालय र विश्वविद्यालयले गरे झैं हुने व्यवस्था गर्ने, माथेमा प्रतिवेदन विपरीत हाल काठमाडौंमा खोल्ने भनेर प्रस्तावित प्रतिष्ठान सम्बन्धी अहिले संसदमा रहेको विचाराधीन विधेयक तत्काल फिर्ता हुनुपर्ने र विगतमा भएका सम्झौता पालना गर्नुपर्ने माग राख्दै विभिन्न समयमा अनशन बस्दै आउनुभएको छ ।
उहाँले ८ औं पटक अनसन बस्न लाग्नुभएको हो । यस विषयमा दिउँसो उहाँले पत्रकार सम्मेलन गर्नु हुनेछ ।
