कवाड व्यवसायीले काठमाडौँ महानगरको कार्यालय घेर्दै, बालेनलाई 'रावण'को संज्ञा

समाचार सुन्नुहोस :

काठमाडौँ – कवाड व्यवसायी संघर्ष समितिले काठमाडौं महानगरपालिका घेराउ गर्ने भएको छ । महानगरले व्यवसायबाट विस्थापित गराउन अनावश्यक दुःख दिएको भन्दै समितिले आगामी पुस १४ गते महानगरको कार्यालय घेर्ने जनाएको हो ।

आज (बुधबार) रिपोर्टर्स क्लब नेपालमा आयोजित पत्रकार सम्मेलनलाई सम्बोधन गर्दै कवाड व्यवसायी संघर्ष समितिका संयोजक राम केवल गुप्ताले अब आफूहरु काठमाडौं महानगरविरुद्ध लड्न, भिड्न तयार भएर आन्दोलनमा जान लागेको बताए। उनले काठमाडौंका मेयर बालेन शाहलाई रावणको संज्ञा दिएका छन्।

साथै, काठमाडौं महानगर प्रहरीहरूले कवाड व्यवसायीलाई दुःख दिएको, हातपात गरेको, कुटपिट गरेको र गाली बेइजती गरेको उनको आरोप छ । उनले अदालतले कवाड नहटाउन आदेश दिए पनि महानगरले त्यसको विपरीत काम गरिरहेको उल्लेख गरेका छन् ।