विकास निर्माणमा गुणस्तरीय काम गर्न उपप्रधानमन्त्री थापाको निर्देशन

पोखरा – उपप्रधानमन्त्री कमल थापाले स्थानीय निकायमा कार्यरत कर्मचारीलाई जिल्ला, नगर र वडाका विकास निर्माणमा गुणस्तरीय काम गर्न निर्देशन दिनुभएको छ ।

जिविस कास्की, पोखरा उपमहानगरपालिका र लेखनाथ नगरपालिकाको वार्षिक प्रगति प्रतिवेदन सुनेपछि निर्देशन दिंँदै सङ्घीय मामिला तथा स्थानीय विकासमन्त्री थापाले विकास निर्माणका काममा बजेटको अभाव हुन नदिने प्रतिबद्धता व्यक्त गर्नुभयो ।

यसैबिच थापाले उपमहानगरपालिकाको वडा नं ५ र १५ मा खोलिएको नगर स्वास्थ्य केन्द्रको आज उद्घाटन पनि गर्नुभयो ।