काठमाडौँ – कोपा अमेरिका फुटबलको सफल टोली उरुग्वे यसपटकसमुह चरणबाटै बाहिरिएको छ ।
अमेरिकामा जारी प्रतियोगिता अन्तर्गत आज बिहान भएको खेलमा भेनेजुएलासँग १–० ले पराजित भएपछि उरुग्वेको यात्रा समूह चरणमै सकिएको हो । अहिलेसम्म उपाधि जित्न नसकेको भेनेजुएलाले १५ पटकको च्याम्पियनविरुद्ध ३६ औं मिनेटमा अग्रता लिएको थियो । खेलको ३६ औं मिनेटमा भेनेजुएलाका होजे सालोमन रन्डनले गरेको गोल खेलको निर्णायक गोल बन्यो ।
यो जितसँगै भेनेजुएला प्रतियोगिताको क्वारटफाईनल नजिक पुगेको छ भने १५ पटकको कोपा अमेरिका च्याम्पियन उरुग्वे दुई खेलबाट एक अंक पनि जोड्न नसकी बाहिरिएको छ ।समूहको अन्तिम खेलमा भेनेजुएलाले मेक्सिकोसँग खेल्नेछ भने उरुग्वेले जमैकासँग खेल्नेछ ।
