युएई – वैदेशिक रोजगारीका सिलसिलामा युएईमा रहदै आएका लोक गायक गोपी कृष्ण पंगेनीले प्रवासबाटै नयाँ गिती कोशेली बजारमा ल्याउनुभएको छ ।
गत वर्ष प्रवासी नेपालीका कथा समेटिएको सालैजो भाका सार्वजनिक गर्नुभएका पंगेनीले यस वर्ष नाँचु नाँचु पार्ने रोईला भाका लिएर दर्शक श्रोता माझ आउनुभएको हो । स्थायी घर स्याङजा भएका पंगेनीले चर्चित गीतकार, शब्द संकलन तथा संगितकार एक नारायण भण्डारीको लय शब्दमा सार्वजनिक गरिएको रोईला गीतमा गायिका देवी घर्तिको साथ रहेको छ । ‘लैनो गाईलाई घास, थारो गाईलाई पराल छ मायाले मन बराल्छ’ भन्दै ठ्टौली किसिमले गाईएको गीतमा शंकर बिसिले निर्देशन गर्नुभएको हो ।
सितारा म्युजिकले बजार व्यवस्थापन गर्ने गरी सार्वजनिक गरिएको एल्बमको म्युजिक भिडियो भने म्युजिक नेपालको युट्युव च्यानलबाट सार्वजनिक गरिएको छ । मह स्टुडियोमा छायांकन गरिएको म्युजिक भिडियोमा बिसी र अन्जली अधिकारीलाई भिडियोमा देख्न सकिन्छ । भिडियोमा राजेश घिमिरेको छायंकन तथा नवीन घर्तिमगरको सम्पादन रहेको छ ।
अघिल्लो वर्ष मत परदेशी बोलको गिती एल्बम ल्याएका पंगेनीले सालैजो भाकाले जस्तै मायाले मन बराल्छ बोलको गीतले दर्शक श्रोताको मन जित्ने अपेक्षा पंगेनीको छ । सन २००३ देखिनै वैदेशिक रोजगारीको सिलसिलामा दुबईमा रहनुभएका पंगेनी गैर आवासीय नेपाली संघ युएईको सांस्कृतिक संयोजक र अन्तर्राष्ट्रिय नेपाली कलाकार संघका महासचिव समेत हुनुहुन्छ ।
भिडियो :
