काठमाडौँ – पोर्न स्टार बन्ने लक्ष्य बोकेर हिडेकी अर्चना पनेरु अभिनित फिल्म ‘छेस्को’ लाई दर्शकले मन पराएनन् ।
पोस्टरमा नाङ्गो तस्बिर देखाएर फिल्म चलाउन खोज्ने ‘छेस्को’ टिम दर्शकसामु असफल भएको हो । गत शुक्रवारबाट प्रदर्शनमा आएका दुई फिल्म ‘कालो पोथी’ र ‘छेस्को’ मध्ये ‘कालो पोथी’ ले राम्रो व्यापार गरेको रिपोर्टले देखाएको छ । कर्णालीको मौलिक कथामा आधारित यो फिल्मले दर्शकहरुको मन जित्न सफल भयो ।
नाङिएर फिल्म हिट हुन्छ भन्दै आफ्नो डिमाण्ड बढेको ठानेकी स्वघोषित पोर्न स्टार अर्चनाको सपना यतिबेला ‘छेस्को’ को व्यापारिक रिपोर्टले लगभग तुहाएको छ ।
अर्चनाकै अभिनय रहेको अर्को फिल्म ‘जिस्म’ पनि प्रदर्शनको तयारीमा छ । उनको दोस्रो फिल्मले अर्चनालाई कुन मोडमा पुर्याउने हो त्यो भने हेर्न बाँकी छ ।
