काठमाडौं – बरिष्ठ संगीतकार अम्बर गुरुङको निधन भएको खबर एकाएक सामाजिक सञ्जाल र अनलाइन मिडियाहरुमा आएपछि यतिखेर धरै शुभचिन्तकहरु अन्यौलमा परेका छन् ।
विहान पौने ४ बजे निधन भएको भनि आएको भ्रामक समाचारको अम्बर गुरुङका छोरा राजु गुरुङले खण्डन गर्दै दुःख व्यक्त गरेका छन् । भ्रामक समाचारले आम नेपालीहरुको मनमा बसेका गुरुङका शुभचिन्तकहरुले समेत दुःख व्यक्त गरेका हुन् । गुरुङको निधन भएको खबर लेखेका अनलाइन सञ्चारमाध्यमहरुले समेत समाचार हटाएका छन् भने सामाजिक सञ्जाल मार्फत श्रद्धाञ्जली व्यक्त गरेका शुभचिन्तकहरुले अहिले आफ्नो स्टाटस हटाएका छन् ।
गुरुङको निधन भएको समाचार नेपालका प्रतिष्ठित सञ्चारमाध्यमहरुले समेत प्रकाशन गरेका थिए भने म्यूजिक नेपालदेखि चर्चित गायक विमल डाँगीसम्मले फेसबुकमा स्टाटस राखेर श्रद्धाञ्जली व्यक्त गरेका थिए । उनीहरुले अहिले स्टाटस हटाएका छन् । केही मिडियाले भने संशोधित समाचार प्रकाशन गरेको छ भने ईकान्तिपुर अनलाइनले क्षमा माग्दै फेसबुकमा स्टाटस राखेको छ ।
लामो समयदेखि खाने नलीमा पलाएको ट्यूमरको उपचार गराइरहनु भएका गुरुङलाई पछिल्लो समय ग्रान्डी अस्पतालमा भेन्टिलेटरमा राखेर कृत्रिम श्वासप्रश्वास दिएर उपचार गराइरहेको थियो ।
