माधव नेपालबाट शहीदहरुप्रति श्रद्धाञ्जली

समाचार सुन्नुहोस : 

काठमाडौँ – नेकपा एकीकृत समाजवादीका अध्यक्ष माधवकुमार नेपालले राष्ट्र र जनताको हितमा जीवन बलिदान गरेका अमर शहीदहरूप्रति श्रद्धाञ्जली अर्पण गरेका छन्।

शहीद दिवसको अवसरमा जारी गरिएको विज्ञप्तिमा अध्यक्ष नेपालले नागरिक स्वतन्त्रता, लोकतन्त्रको प्रवर्द्धन र राष्ट्रियताको रक्षा गर्न प्राण आहुति दिने ज्ञात-अज्ञात सम्पूर्ण शहीदहरूप्रति सम्मान व्यक्त गरेका छन्।

उनले सामाजिक न्याययुक्त समतामूलक र सभ्य समाज निर्माण गर्ने शहीदहरूको सपना साकार पार्न सबै राजनीतिक दल र आम जनसमुदाय एकजुट हुनुपर्नेमा जोड दिए। साथै, देशलाई स्वाधीन एवं आत्मनिर्भर आर्थिक प्रणालीतर्फ अघि बढाउन सकिए मात्र शहीदहरूप्रति साँचो सम्मान हुने विश्वास व्यक्त गरे।