भारतको ७६औँ गणतन्त्र दिवसमा परराष्ट्रमन्त्रीको शुभकामना संदेश

समाचार सुन्नुहोस : 

काठमाडौँ – परराष्ट्रमन्त्री डा. आरजु देउवा राणाले भारतको ७६औँ गणतन्त्र दिवसको अवसरमा शुभकामना व्यक्त गर्दै भारतीय जनता र सरकारको निरन्तर प्रगति र समृद्धिको कामना गरेकी छन्।

मन्त्री राणाले आफ्ना भारतीय समकक्षी एस जयशङ्करमार्फत बधाई सन्देश पठाउँदै दुवै देशबीचको साझा इतिहास, पारस्परिक सम्मान, र विभिन्न क्षेत्रमा भएको सहयोगले बलियो मित्रता कायम राखेको बताएकी छन्।

उनले सामाजिक सञ्जालमार्फत घनिष्ठ छिमेकीका रूपमा रहेका नेपाल र भारतबीचको सम्बन्ध आगामी दिनमा अझ सुदृढ हुने विश्वाससमेत व्यक्त गरेकी छन्।