रास्वपा कार्यकर्ताद्वारा वरिष्ठ अधिवक्ता त्रिपाठीमाथि अदालतभित्रै कुटपिट

समाचार सुन्नुहोस : 

काठमाडौँ – राष्ट्रिय स्वतन्त्र पार्टी (रास्वपा)का कार्यकर्ता र रवि लामिछानेका समर्थकहरूले वरिष्ठ अधिवक्ता दिनेश त्रिपाठीमाथि काठमाडौँ जिल्ला अदालत परिसरभित्रै कुटपिट गरेका छन्।

बुधबार रवि लामिछानेसम्बन्धी मुद्दाको बहस समाप्त भएपछि अदालत परिसरबाट बाहिर निस्कने क्रममा त्रिपाठीमाथि हातपात भएको हो। त्रिपाठीले स्वर्णलक्ष्मी सहकारीका पीडितहरूको तर्फबाट मुद्दामा कानुनी बहस गरेका थिए। आक्रमणमा संलग्न १ जना पक्राउ परेको प्रहरीले जनाएको छ ।