सुन र चाँदीको मूल्य घट्यो

समाचार सुन्नुहोस : 

काठमाडौँ – नेपाली बजारमा मंगलबार सुनको मूल्यमा उल्लेखनीय गिरावट आएको छ। नेपाल सुनचाँदी व्यवसायी महासंघका अनुसार, छापावाल सुनको मूल्य प्रतितोला ८ सय रुपैयाँले घटेर १ लाख ५५ हजार रुपैयाँ पुगेको छ। सोमबार सुनको मूल्य प्रतितोला १ लाख ५५ हजार ८ सय रुपैयाँ रहेको थियो।

सुनको मूल्यसँगै चाँदीको मूल्यमा पनि कमी आएको छ। सोमबार प्रतितोला १ हजार ८६० रुपैयाँ रहेको चाँदी मंगलबार घटेर १ हजार ८२० रुपैयाँमा कारोबार भइरहेको महासंघले जानकारी गराएको छ।