शेयर बजार राताम्य: २५ अंकको गिरावट, चार अर्बको कारोबार

समाचार सुन्नुहोस : 

काठमाडौँ – आइतबार धितोपत्र दोस्रो बजार मापन गर्ने नेप्से परिसूचकमा गिरावट आएको छ। नेप्से २५.४१ अंक अर्थात् ०.९६ प्रतिशतले घटेर २६०९.६७ बिन्दुमा पुगेको छ। नेपाल स्टक एक्सचेन्जका अनुसार, यस दिन ८० लाख २१ हजार ६३१ कित्ता सेयर कारोबार भएका छन्, जसको कुल मूल्य तीन अर्ब ९९ करोड ७९ लाख रुपैयाँ पुगेको छ।

दिनभरका कारोबारमा ४३ कम्पनीका सेयर मूल्यमा वृद्धि भएको छ भने १९४ कम्पनीका सेयर घटेका छन्। ६ कम्पनीका सेयर मूल्य स्थिर देखिएका छन्। कारोबारमा रहेका सबै १३ समूहगत परिसूचकमा गिरावट आएको छ।

यस दिन, वेन नेपाल लघुवित्त र सिन्धु विकास बैंकको सेयर मूल्य १० प्रतिशतले बढेको छ भने न्यादी हाइड्रोपावरको सेयर मूल्य १० प्रतिशतले घटेको छ, जुन सबैभन्दा धेरै गिरावट हो।