जुम्लामा अनलाइनबाट नागरिकता सिफारिस

समाचार सुन्नुहोस : 

काठमाडौँ – जुम्ला जिल्लामा अनलाइनमार्फत नागरिकताको सिफारिस सेवा सुरु हुने भएको छ। प्रमुख जिल्ला अधिकारी रामबहादुर शाहीका अनुसार, यो सेवा आगामी माघ महिनादेखि जिल्लाका आठवटै स्थानीय तहमा लागू गरिने तयारी भइरहेको छ।

स्थानीय तहका प्रमुख र जिल्ला समन्वय समितिका प्रमुखहरूसँग यसबारेमा पहिले नै बैठक गरी आवश्यक छलफल पूरा भइसकेको छ। प्रजिअ शाहीले बताएका छन् कि यो सेवा गृह मन्त्रालयको केन्द्रिकृत नागरिकता सूचना व्यवस्थापन प्रणालीमार्फत सञ्चालन गरिने छ।

उनका अनुसार, अनलाइन प्रणालीमार्फत नागरिकता सिफारिस गर्न सकिने छ। यस प्रक्रियाका लागि कर्मचारीलाई आवश्यक तालिम प्रदान गरिने व्यवस्था समेत मिलाइएको छ। अनलाइन सेवाको सुरुवाटपछि स्थानीय नागरिकहरूले नागरिकता सिफारिसका लागि लामो प्रक्रियामा पर्नु पर्ने झन्झटबाट मुक्त हुने अपेक्षा गरिएको छ।