‘पुष्पा २’ ले विश्वभर धुम मच्चाइरहेको बेला अल्लु अर्जुन पक्राउ

समाचार सुन्नुहोस : 

काठमाडौँ – चलचित्र ‘पुष्पा २’ ले विश्वभरका थिएटरमा धुम मच्चाइरहेको बेला फिल्मका मुख्य कलाकार सुपरस्टार अल्लु अर्जुन पक्राउ परेका छन् । डिसेम्बर ४ मा चलचित्र ‘पुष्पा २’ को स्पेशल स्क्रिनिङका क्रममा हैदरावादको सन्ध्या थिएटरमा भागदौड मच्चिँदा ३५ वर्षीया महिलाको मृत्यु भएको थियो । अल्लु अर्जुन पनि यस स्क्रिनिङको हिस्सा बन्न थिएटर पुगेका थिए । उनलाई हेर्नको लागि भीड नियन्त्रण बाहिर गएको थियो । यस घटनामा अल्लु अर्जुन र थिएटर व्यवस्थापनविरुद्ध मुद्दा दर्ता भएको थियो ।

रिपोर्टका अनुसार अर्जुन अल्लुको टोलीले अचानक उनको यहाँ भ्रमण गर्ने योजना बनाएको थियो र उनी थिएटरमा पुग्ने बित्तिकै उनलाई हेर्न फ्यानहरूमा भागदौ मच्चिएको थियो । सोहीक्रममा ती महिलाको मृत्यु भएको हो । यसै आधारमा अल्लुलाई पक्राउ गरिएको बीबीसी हिन्दीले जनाएको छ ।