समाचार सुन्नुहोस :
काठमाडौँ – धरान उपमहानगरपालिकाका प्रमुख हर्क साम्पाङले आफूविरुद्ध समाचार लेख्ने पत्रकारहरूमाथि कारबाहीको माग गर्दै गृहमन्त्रीलाई पत्र लेखेका छन्।आइतबार सामाजिक सञ्जालमा सार्वजनिक गरेको पत्रमा साम्पाङले खोज पत्रकारिता केन्द्रका पत्रकार गोपाल दाहाल र नेपाल पत्रकार महासंघ सुनसरीका अध्यक्ष जनक ऋषिलाई कारबाही गर्न आग्रह गरेका हुन्।
पत्रकार गोपाल दाहालमाथि साम्पाङले “नक्कली माओवादी बनेर चन्दा असुलेको” भनी भ्रामक र झुटो समाचार लेखेर आफ्नो चरित्र हत्या गर्न खोजेको आरोप लगाएका छन्। साथै, अध्यक्ष जनक ऋषिमाथि उक्त समाचार सामाजिक सञ्जालमा पोस्ट गरेर भ्रम फैलाएको पनि आरोप लगाएका छन्।
प्रेस स्वतन्त्रताको नाममा व्यक्ति र पद दुवैको मानहानी हुने गरी निराधार, भ्रामक र सामाजिक शान्तिमा खलल ल्याउने किसिमको समाचार बनाउने र दुष्प्रचार गर्ने दुवै जनालाई पार्टीगत आबद्धता नहेरी निष्पक्ष रूपमा कारबाही गर्न उनले माग गरेका छन् ।
हेर्नुहोस् पत्र :
