रवि लामिछानेलाई थप ४ दिन हिरासतमा राख्न अदालतको अनुमति

समाचार सुन्नुहोस : 

काठमाडौँ – सहकारी ठगी, संगठित अपराध, र सम्पत्ति शुद्धीकरणसम्बन्धी आरोपमा हिरासतमा रहेका राष्ट्रिय स्वतन्त्र पार्टी (रास्वपा)का सभापति रवि लामिछानेका लागि कास्की जिल्ला अदालतले थप ४ दिनको म्याद अनुमति दिएको छ।

लामिछानेसँगै गोर्खा मिडिया नेटवर्कका सञ्चालक पूर्वडीआईजी छविलाल जोशी, लीला पछाईं, र रामबहादुर खनाललाई पनि सोही आरोपमा ४ दिनको म्याद थप गरिएको छ। लामिछानेलाई कात्तिक २ गते रास्वपाको केन्द्रीय कार्यालयबाट पक्राउ गरी कास्की ल्याइएको थियो।

अनुसन्धानका क्रममा लामिछानेका लागि यसअघि क्रमशः ६ दिन, ७ दिन, १० दिन, १३ दिन, र १५ दिनको म्याद थप गरिएको थियो। अहिले फेरी ४ दिनको म्याद थप गरी अनुसन्धान प्रक्रिया अघि बढाइएको छ।