भुटानका राजा नेपाल आउँदै

समाचार सुन्नुहोस : 

काठमाडौँ – भुटानका राजा जिग्मे खेसार नाम्ग्याल वाङ्चुक बिहीबार नेपाल आउँदैछन् । तर, यो कुनै औपचारिक नेपाल भ्रमण होइन । उनी भारत भ्रमणका क्रममा ट्रान्जिटका लागि मात्र एक घण्टाका लागि नेपालमा रहनेछन् ।

राजाको यो ट्रान्जिटले नेपाल–भुटान सम्बन्धमा कुनै ठोस प्रभाव नपार्ने भए पनि दुवै देशबीचको सामान्य सम्बन्धलाई निरन्तरता दिने संकेत दिन सक्छ। यस अवधिमा कुनै औपचारिक कार्यक्रम वा भेटघाटको आयोजना गरिएको छैन। भुटानी राजाको आगमनलाई मध्यनजर गर्दै विमानस्थलमा सुरक्षा व्यवस्था कडा पारिएको छ।

भारत भ्रमणका क्रममा चीन र भुटानबीचको सीमा विवादबारे छलफल हुने अपेक्षा गरिएको छ। यो विवादमा भारत प्रत्यक्ष रूपमा संलग्न भएकाले यस विषयमा छलफल गर्न भुटानी राजा भारत जान लागेको बताइएको छ। भारतको विदेश मन्त्रालयले यस भ्रमणको औपचारिक घोषणा गरिसकेको छ।