परराष्ट्रमन्त्री राणा आज चीन जाँदै

समाचार सुन्नुहोस : 

काठमाडौँ – परराष्ट्रमन्त्री आरजु राणा देउवा आज चीन प्रस्थान गर्दै छिन्। प्रधानमन्त्री केपी शर्मा ओलीको मंसिर १७ गतेदेखि सुरु हुने चीन भ्रमणको तयारीका लागि मन्त्री राणा आज सिचुआन प्रान्तको राजधानी छेङ्दु जाने भएकी हुन्। उनको उडान दिउँसो १२:२० बजे तय भएको छ।

मन्त्री राणाले मंसिर १४ गते छेङ्दुमा चिनियाँ विदेशमन्त्री वाङ यीसँग भेटवार्ता गर्ने कार्यक्रम छ। परराष्ट्र मन्त्रालयका अनुसार दुई देशको आपसी हित र प्रधानमन्त्री ओलीको भ्रमणका एजेन्डाबारे छलफल हुनेछ।

प्रधानमन्त्री ओली मंसिर १७ गते ४० सदस्यीय प्रतिनिधिमण्डलसहित चीन जाने तयारीमा छन्। मन्त्री राणा यस भ्रमणका तयारीमा जुट्न आजै चीन जाँदै छिन् र प्रधानमन्त्रीको टोलीमा पनि सहभागी हुनेछिन्।