‘भट्टी कि रानी’ सँग रोमान्स गर्दै रोशन (भिडियो)

काठमाडौं – अमेरिका रहेर पनि नेपाली गीत-संगीतमा निरन्तर लागिपरेका गायक तथा मोडल रोशन अधिकारीले नयाँ गीत सार्वजनिक गरेका छन् । अधिकारीको प्रस्तुतिमा तयार भएको गीत ‘भट्टी कि रानी’को म्यूजिक भिडियो सार्वजनिक गरिएको छ ।

काठमाडौंमा आयोजित पत्रकार सम्मेलनमा गीतको भिडियो सार्वजनिक गरिएको हो । गीतमा रोशन अधिकारीको स्वर छ । गीतमा विष्णु भट्टको संगीत, विपिन सलामीको शब्द छ । गीतको भिडियोमा पनि रोशन अधिकारी र अलिसा शर्माको अभिनय छ । भट्टीमा पुगेर अलिसासँग रोशनले गरेको रोमान्सलाई भिडियोमा प्रस्तुत गरिएको छ ।

यो भिडियोलाई माइकल चन्दले निर्देशन गरेका हुन् । माइकलले भिडियोमा मोडल रोशन र अलिसालाई गज्जबले नचाएका छन् । सिलन लम्सालको सम्पादन रहेको भिडियोमा उत्सव दाहालको छायांकन छ ।