यस्तो रह्यो नागोयामा आयोजित तीज फेस्टिभल

नागोया – जापानको नागोया शहरमा वृहत् तीज फेस्टिभल सम्पन्न भएको छ । गत वर्षहरूमा कोठा, रेस्टुरेन्ट तथा हलमा तीज कार्यक्रम गरिँदा धेरै साँगुरो हुने गरेको हुँदा यसपालि खुल्ला ठाउँमा तीज फेस्टिभल आयोजना गरिएको हो ।

आयोजक समितिका संयोजक दीपक कार्कीकाअनुसार कार्यक्रम सेप्टेम्बर १ तारिख आइतबार सम्पन्न भएको थियो । कार्यक्रमको आयोजक संस्था ‘द ब्रोदरस् इन्टरटेमेन्ट’ जापान रहेको थियो ।आगामी वर्षहरूमा यसपालि भएका कमी कमजोरी बाट सिक्दै अझैँ भव्य तीज कार्यक्रम गर्ने आयोजक समितिका सदस्य एवं कलाकार श्याम शीतलले बताए । कार्यक्रममा नेपालीहरू मात्र नभई जापनिज अनि विदेशीहरू पनि तीज फेस्टिभलमा रमाई रहेका देखिन्थे ।फेस्टिभल लाई विशेष बनाउन नेपालबाट कलाकारहरू रामजी खाँड, समीक्षा अधिकारी, रुपा घर्ती मगर लगायत कलाकारहरूले दमदार प्रस्तुति दिएका थिए । सांगीतिक प्रस्तुति चलिरहँदा वर्षा हुँदा पनि नेपाली चेलीहरू भिजेरै भए पनि सांगीतिक माहौलमा मस्त देखिन्थे ।