समाचार सुन्नुहोस :
काठमाडौँ – तीनकुनेमा रहेको एक घरमा आगलागी भएको छ । पाँच तले उक्त घरको अन्डरग्राउण्डमा सञ्चालित किराना गोदामबाट आगो सल्किएको हो । आगलागी हुँदा दुई जना घाइते भएका छन् । ग्रुप अन ट्रेडिङ्गमा आगलागी हुँदा सो गोदाममा काम गर्ने धनुषा घर भएका २३ वर्षीय विक्कर लामा र भक्तपुर घर भएका २८ वर्षीय उदय श्रेष्ठ घाइते भएका हुन् ।
उनीहरूको तिनकुनेस्थित कान्तिपुर अस्पतालमा उपचार भइरहेको प्रहरी वृत्त बानेश्वरका डीएसपी शिवराज बुढाथोकीले बताए । दमकलको सहयोगमा प्रहरीले आगो नियन्त्रणमा लिएको छ । आगलागीबाट क्षतिको पुरै विवरण आउन बाँकी छ।
