समाचार सुन्नुहोस :
काठमाडौँ – आईसीसी टी–२० विश्वकप अन्तर्गत आज एक रोमाञ्चक खेल हुँदैछ। आज समुह ए अन्तर्गत भारत र आयरल्याण्डबीच खेल हुन लागेको हो । यो खेल न्यूयोर्कस्थित नस्साउ काउन्टी इन्टरनेसनल क्रिकेट स्टेडियममा नेपाली समय अनुसार राति सवा ८ बजे सुरु हुनेछ। यो विश्वकपमा दुवै टोलीको यो पहिलो प्रतिस्पर्धा हुनेछ।
टी–२० क्रिकेटमा आयरल्याण्डले हालसम्म भारतलाई पराजित गर्न सकेको छैन। अहिलेसम्म भएको ७ खेलमा सबैमा भारतले नै जित हासिल गरेको छ। यसअघि समुह ए मा रहेका अमेरिकाले आफ्नो पहिलो खेलमा क्यानडालाई पराजित गरेको छ।
