समाचार सुन्नुहोस :
काठमाडौँ – प्रधानमन्त्री पुष्पकमल दाहाल ‘प्रचण्ड’ले विश्वकपमा उत्कृष्ट प्रदर्शनका लागि नेपाली क्रिकेट टोलीलाई शुभकामना व्यक्त गरेका छन्। शुभकामना सन्देशमा प्रधानमन्त्रीले राष्ट्रिय टोलीले नेपालको प्रतिष्ठा अझ उचाइमा पुर्याउने विश्वास व्यक्त गरेका छन्।
नेपाल सगरमाथा र बुद्धको देश मात्र नभएर अब क्रिकेटको देशका रूपमा पनि स्थापित हुँदै गएको उल्लेख गर्दै प्रधानमन्त्री दाहालले आफ्नो नेतृत्वमा रहेको सरकारले खेल क्षेत्रको विकास र खेलाडीको प्रोत्साहनका लागि निरन्तर महत्त्वपूर्ण निर्णयहरू गर्दै आएको बताएका छन्।
‘एक दशकपछि आज नेपाली क्रिकेट टिम विश्वकपमा सहभागी हुँदैछ। यसले नेपालको गौरव बढाएको छ र विश्वको ध्यान नेपालतर्फ तानेको छ’, उनले भनेका छन्, ‘देशको प्रतिष्ठा बढाउन निरन्तर मेहेनत, संघर्ष र सफलता प्राप्त गरेकामा नेपाली क्रिकेट टिमप्रति धन्यवाद व्यक्त गर्दछु।’
