काठमाडौं – नेपाल सुनचाँदी व्यवसायी महासंघले सोमबारका लागि सुनचाँदीको भाउ सार्वजनिक गरेको छ । महासंघका अनुसार आज सुनचाँदीको मूल्य स्थिर रहेको छ । आइतबार सुनको प्रति तोला सात सय रुपैयाँले बढेको थियो भने चाँदीको मूल्य तोलामा २० रुपैयाँले बढेको थियो ।
महासंघका अनुसार आज छापावाल सुनको मूल्य प्रतितोला एक लाख ११ हजार ७ सय रुपैयाँ रहेको छ भने तेजावी सुनको मूल्य प्रतितोला एक लाख १० हजार ७५० रुपैयाँ रहेको छ । त्यस्तै, आज चाँदीको मूल्य प्रतितोला एक हजार तीन सय ९५ रुपैयाँ रहेको महासंघले जनाएको छ ।
