काठमाडौँ – नेपाल भ्रमणमा आएको चीनको चोङछिङ शहरको उच्चस्तरीय टोली आज स्वदेश फर्केको छ । चोङछिङ नगरपालिका सरकारको विदेश मामिला कार्यालयका उपनिर्देशक ताङ युको नेतृत्वमा आएको टोली एअर चाइनाको उडान नम्बर सीए ४३८ मा आज दिउँसो साढे १२ बजे छन्तुतर्फ प्रस्थान गरेको हो ।
छ सदस्यीय टोलीमा हान रुइचुन, लि याओपाङ, चौ पाओलिङ, छङ चचेन र याङ कुओचङ थिए । टोलीले काठमाडौं र पोखराका भ्रमण गरेको थियो । यसअघि चीनको स्वायत्त प्रदेश तिब्बतको प्रतिनिधिमण्डल गत साता काठमाडौं, लुम्बिनी र पोखराको भ्रमण गरेको थियो ।
