काठमाडौं – क्रिस्टियानो रोनाल्डो रियल म्याड्रिडका प्रशिक्षणस्थलमा पुगेका छन् । उनले रियल म्याड्रिडका आफ्ना पूर्व सहकर्मीहरुसँग प्रशिक्षणस्थलमा पुगेर भेट गरेका छन् ।
रियल म्याड्रिडको टिम अहिले स्पेनिस सुपरकोपा खेल्न साउदी अरेबियामा रहेको छ । बार्सिलोनासँग फाइनलमा खेल्नुअघि प्रशिक्षण गरिरहेको रियल म्याड्रिडका आफ्ना पूर्व सहकर्मीलाई रोनाल्डोले भेट गरेका छन् ।
रोनाल्डो साउदी क्लब अल नासरमा आवद्ध भएका छन्। करिब २०० मिलियनको कीर्तिमानी रकममा अल नासरमा आवद्ध भएका रोनाल्डो प्रतिबन्धका कारण अब २१ जनवरीमा मात्र साउदीमा डेभ्यु गर्नेक्रममा रहेका छन् ।
रोनाल्डोले म्यानचेस्टर युनाइटेडबाट कुल ३४६ खेल खेल्दै १४५ गोल गरेका छन् । म्यानचेस्टर युनाइटेडमा २००३ बाट २००९ सम्म खेलेर उनी स्पेनिस क्लब रियल मड्रिड पुगेका थिए । उनले मड्रिडमा २०१८ सम्म खेले। त्यहाँबाट इटालियन क्लब युभेन्टसमा तीन वर्ष खेलेर फेरि २०२१ मा युनाइटेड नै फर्किएका थिए ।
