काठमाडौँ – एफ ए कप फुटबलमा चेल्सीमाथि शानदार जित निकाल्दै म्यानचेस्टर सिटी चौंथो चरणमा प्रवेश गरेको छ । चेल्सीमाथि एकतर्फी रूपमा हाविभ एको म्यानचेस्टर सिटीले पहिलो हाफमानै ३ गोलको अग्रता बनाएको थियो। उसले दोस्रो हाफमा थप १ गोल थपेको थियो। सिटीलाई जित दिलाउन रियाद महरेजले दुई गोल गर्दा जुलियन अल्भारेज र फिल फोडेनले एक-एक गोल गरेका थिए।
खेलमा दबाब बनाएको सिटीले २८ औँ मिनेटमा महारेजको गोलमार्फत अग्रता लिएको थियो। इथाइड स्टेडियममा सिटीले दुई मिनेटपछिनै अग्रता दोब्बर बनायो। खेलको ३० औँ मिनेटमा अल्भारेजले पेनाल्टीबाट गोल गर्दै सिटीको अग्रता दोब्बर बनाए।
खेलको ३८ औँ मिनेटमा फिल फोडेनले गोल गर्दै सिटीको अग्रता तेब्बर बनाए। त्यसपछि खेलको ८५ औँ मिनेटमा महरेजले पेनाल्टीमार्फत् व्यक्तिगत दोस्रो गोल गर्दै सिटीलाई ४-० को फराकिलो जित निश्चित गरेका थिए।
