केकी र आँचलको फिल्म ‘झिंगेदाउ’को ट्रेलर सार्वजनिक

काठमाडौं – फिल्म ‘झिँगे दाउ’को ट्रेलर सार्वजनिक गरिएको छ । ज्ञानेन्द्र देउजाले निर्देशन गर्नुभएको फिल्ममा केकी अधिकारी, आँचल शर्मा, मुकुन भुषाल र कुशल बिष्टको मुख्य भूमिका छ ।

फिल्मका सह-निर्माता सुशिल दाहाल र इश्वर घिमिरे हुनुहुन्छ । फिल्ममा प्रदीप भारद्धाजको कथा र संवाद, बिष्णु घिमिरे ‘कल्पित’को छायांकन, अर्जुन पोखरेलको संगीत, रामजी लामिछानेको कोरियोग्राफी र रोशन श्रेष्ठको एक्सन छ ।

भीमनिधी तिवारीको चर्चित कृति ‘झिँगे दाउ’मा आधारित रहेर यो फिल्म तयार पारिएको हो । फिल्म भदौ १७ गतेबाट रिलिज हुनेछ ।